قصة إعلان.
من صورة ملابس… إلى إعلان براند كامل.

أول شي قعدنا نفهم البراند نفسه: الخط العربي في التصميم، روح الستريت وير، والرسالة اللي وراه. ومن هنا حددنا الجمهور والإحساس العام للفيديو — وهذا القرار هو اللي مشّى كل اللي بعده.

قبل ما نطلّع أي لقطة، كتبنا التصور كامل على الورق: أماكن حضرية تناسب الستريت وير، مشية واثقة على إيقاع هادي، وزوايا تبيّن القصّة الأوفرسايز والطباعة الخلفية. حتى غسلة الجينز اخترناها بحيث تخدم ألوان البراند.

سوّينا شخصيتين واقعيتين على قد البراند، وثبّتنا ملامحهم في كل لقطة وكل زاوية. تطلّع وجه حلو مرة وحدة؟ سهل. يثبت نفس الوجه في كل فريم؟ هنا الشغل الصعب.

وش طريقتنا في تثبيت الملامح؟ هذي من أسرار المطبخ.

أدق مرحلة وأكثرها إعادة: لازم الطباعة تطلع طبق الأصل — الخط، مكانه، حجمه، وانحناءه مع القماش — ومعها سقوط الأوفرسايز وطيّات الخامة تحت الإضاءة. رفضنا لقطات كثير قبل ما نعتمد النهائية.

مطابقة المنتج ١٠٠٪ لها منهجية كاملة عندنا — مو مجرد برومبت.

حرّكنا اللقطات الثابتة: مشية طبيعية على إيقاع البراند، الوجه والطباعة ثابتين مع الحركة، وكاميرا مدروسة تمسك عين المشاهد من أول ثانية.

اخترنا موسيقى على مزاج البراند، وقصّينا اللقطات على الضربة، ورتّبناها بحيث كل لقطة تشدّك للي بعدها — ما عندنا ثانية بدون وظيفة.

قبل التسليم راجعنا الفيديو فريم فريم: الأصابع، الحواف، الطباعة، أي خلل مهما صغر. واللي ما يعدّي الفحص، يرجع ينصنع من أول وجديد.